Libaas hai phata hua, ghubaar mein ata hua <br />tamaam jism e naazneen, chida hua, kata hua <br />yeh kaun zeewaqaar hai, bala ka shahsawaar hai <br />ke hai hazaaron qaatilon, ke saamne data hua <br /> <br />yeh bil yaqeen Hussain (A.S.) hai, <br />Nabi(SAW) ka noorey ain hai <br /> <br />ke jiski eik zarb se, kamaal’e fann e harb se <br />kai shaqi girey huey, tarap rahe hain karb se <br />ghazab hai teighay do-sarr, ke eik eik waar par <br />uthi sadaa’e "alamaan", zabaan e sharq o gharb se <br /> <br />yeh bil yaqeeN Hussain (A.S.) hai, <br />Nabi(SAW) ka noorey ain hai <br /> <br />yeh kaun haq parast hai, maey redha se mast hai <br />ke jiske saamn’e koi, buland hai na pust hai <br />udhar hazaar ghaat hai, magar ajeeb baat hai <br />ke eik se hazaarha ka hausla shikast hai <br /> <br />yeh bil yaqeen Hussain (A.S.) hai, <br />Nabi(SAW) ka noorey ain hai <br /> <br />aba bhi taar taar hai, to jism bhi figar hai <br />zameen bhi hai tapi hui, falak bhi shola baar hai <br />magar ye mard e teigh zann, ye saff shikan, falak figan <br />kamaal e sabr o tandehi se mahwe kaarzaar hai <br /> <br />yeh bil yaqeen Hussain (A.S.) hai, <br />Nabi(SAW) ka noorey ain hai <br /> <br />dilawari mein fard hai, bara hi sheir e mard hai <br />ke jiske dabdab’e se, dushmanon ka rung zard hai <br />habib e Mustafa(SAW) hai ye, mujaahid’e Khuda hai ye <br />jabhi to iske saamney, ye fauj gard bard hai <br /> <br />yeh bilyaqeen Hussain (A.S.) hai, <br />Nabi(SAW) ka noorey ain hai <br /> <br />udhar sipaah’e Shaam hai, hazaar inteqaam hai <br />udhar haiN dushmanaan’e deeN, idhar faqat Imam hai <br />magar ajeeb shaan hai, ghazab ki aan baan hai <br />ke jis taraf uthi hai teigh, bas Khuda ka naam hai <br /> <br />yeh bilyaqeen Hussain (A.S.) hai, <br />Nabi(SAW) ka noorey ain hai
